Utilizamos cookies de terceros para mejorar nuestros servicios. Si continúas navegando aceptas el uso de éstas.

   Saber máis - Aceptar.

 

UNHA NOVA LEI PARA ACTUALIZAR O MUNDO DO PAN

Por algún motivo no se a completado la carga del separador, pincha el botón recargar para intentarlo de nuevo.

Recargar
Unha nova lei para actualizar o mundo do pan

Dende o 1 de xullo deste ano, o sector do pan conta en España cunha nova lexislación. A norma chegou para substituír unha de 1984… o que significa que esta industria estivo 35 anos sen cambios na lei para regulala, a pesares dos cambios que asumiu para adaptarse aos novos gustos do consumidor, aos mercados e ás súa propias innovacións.

Crear un marco de calidade respecto á produción do produto e dar máis seguridade ao consumidor, son os obxectivos fundamentais que se buscaron con esta nova Lei do Pan. O documento fixa definicións de distintas tipoloxías que antes estaban nunha especie de “baleiro legal”. Agora, por exemplo, queda perfectamente establecido que podemos entender (e vender) como pan integral: o 100% da fariña empregada terá que ser integral e, no caso de non selo toda, terá que aparecer a porcentaxe na etiqueta.

Outro dos axustes que afecta ao pan integral é que pasa a estar incluído na definición de “pan común” (na norma de 1984 só se consideraba así o elaborado con fariña de trigo). De xeito paralelo, amplíanse das variedades ás que se lles aplica o IVE superreducido do 4%, destinado aos produtos de primeira necesidade. Ata o de agora, as fariñas diferentes á de trigo ou aos pans baixos en sal, había que aplicarlles o 10%. Polo tanto, deberían ser máis asequibles para os petos dos consumidores.

Delimitar cal é o proceso de elaboración do pan para que poida ser vendido como “de masa nai” é outra das medidas. Tamén se aclara a definición de “artesán”: na súa produción ten que primar o factor humano sobre o mecánico, non se pode elaborar en grandes series e o proceso ten que estar dirixido por un mestre panadeiro. Para que na etiqueta poida recollerse que un pan é “de leña”, o forno no que se cocera integramente ten que empregar leña como combustible, e se queremos dicir que é “multicereais”, terá que estar elaborado con tres ou máis fariñas diferentes e, alomenos dúas delas, procedentes de cereais.

Un dos aspectos máis curiosos da norma non entrará en vigor ata o ano 2022: a nova lei establece a contía máxima de sal que se pode empregar na elaboración do pan común.

Aínda que son cuestións que poden parecer obvias, o certo é que ata o de agora non existía unha norma que establecera un marco legal tan exhaustivo e adaptado á realidade actual. Iso si, dende o sector xa se deixaron oír voces descontentas: só o pan elaborado en España terá que adaptarse á lei. O que veña de países da Unión Europea poderá chegar ao consumidor sen ter en conta todas estas especificacións, o que pode afectar á competitividade da industria española. Haberá que deixar un certo marxe para ver como o pan se adapta á súa nova lei.

 

 

PANS GALEGOS

Por algún motivo no se a completado la carga del separador, pincha el botón recargar para intentarlo de nuevo.

Recargar

Se hai algo do que podemos presumir en Galicia, é de ter os pans máis afamados de todo o Estado. Repasamos algúns dos máis populares:

 

  • Pan de Cea. Tan importante que foi o primeiro en contar con Indicación Xeográfica Protexida. Elabórase en San Cristobo de Cea, en Ourense, onde é o principal motor económico. Recoñécese pola especie de apertura que ten no centro da bola, que se consegue facéndolle un corte á masa.

  • Pan de Ousá. Este bolo alongado cun gran corte central é propio do concello lucense de Ousá. Pode conservarse ata 20 días grazas ao uso de fermento no lugar da levadura. Tamén atópase en forma de rosca.

  • Pan de Carral. Elabórase dende o século XVIII no municipio coruñés que lle dá o nome. Emprégase trigo do país, que consegue unha masa branda e esponxosa.

  • Pan de Neda. Como os anteriores, é propio do concello que o nomea que, ademais, ten unha longa tradición panadeira. De feito, foi considerado a capital do trigo de Galicia durante varios séculos. Este pan conta co rexistro de Marca de Calidade. É moi famosa a súa variante Bola de ovo de Neda, que incorpora ovo, manteiga, azucre e anís.

  • Pan de Carballo. Segundo a súa receita máis tradicional, o trigo empregado ten que moerse nos muíños de Cheda, Ponte de Rosende e Quinto. A fariña mestúrase con auga do río Anllóns para formar unha masa que debe cocerse nun antigo forno de pedra.

  • Pan de Porriño. Elabórase de xeito totalmente tradicional no concello pontevedrés de Porriño, e caracterízase pola súa miga esponxosa.

  • Pan de millo (máis coñecida como brona ou boroa en gran parte de Galicia). É característico de varios puntos do territorio, e normalmente leva mesturada un pouco de fariña de trigo ou centeo. O resultado: unha cortiza escura e miga compacta que fan as delicias dos que o proban.

 

 



FEDERACIÓN DE PRAZAS DE ABASTOS DE GALICIA

José Salgado, 2 - entresuelo
36650 Caldas de Reis (Pontevedra)
CIF G94023801
T: +34 669 776 017
E: info@fepragal.es
SOCIAL MEDIA

Facebook Fepragal



 
 
 
PÁXINA WEB SUBVENCIONADA POR
 
Subvencionado pola Xunta de Galicia